Национален натпревар на ученички компании

Од:

Национален натпревар на ученички компании ќе се одржува денеска од 10 до 17 часот во трговскиот центар „Веро џамбо“ во организација на „Џуниор ачивмент Македонија“. На еднодневниот настан ќе учествуваат средношколци кои пред жири и публика ќе ги претстават производите и услугите што ги развивале во својата ученичка компанија.

На натпреварот ќе учествуваат 20 ученички компании од 15 средни училишта од 11 градови од земјава. Ќе се натпреваруват сто средношколци со поддршка на 25 наставници од Скопје, Битола, Кавадарци, Кочани, Берово, Гевгелија, Куманово, Струга, Охрид, Прилеп и Ресен.

Учениците предводени од одговорниот наставник ќе презентираат што сработиле во текот на учебната година. Брендирани со свој штанд, име и лого на компанијата, секоја ученичка компанија ќе се обиде да го импресионира жирито со својата бизнис-идеја и да се натпреварува за наградниот фонд обезбеден од организаторот.

Најавени се обраќања на министрите за образование и наука и за економија, Арбер Адеми и Крешник Бектеши, директорот на Фондот за иновации и технолошки развој Јован Деспотовски, Едвард Гонзалез, директор на Канцеларијата за општ развој на УСАИД во Република Северна Македонија и Љупка Панчевска, извршен директор на „Џуниор ачивмент Македонија“ – член на светската мрежа „Junior Achievement Worldwide“ основана во 1919 година.

Би можело да ве интересира

МОН: Поради голем интерес до 25 декември може да се аплицира за финансиска поддршка за учениците

Осум важни достигнувања за осум години: Иновации на Бреинстер што го менуваат образованието

Горан Наумовски

Септемвриските плати во основното и средното образование ќе бидат повисоки за 15 oтсто

МОН ветува – ниту еден наставник нема да биде отпуштен, ниту ќе добива помала плата

А1он

Егзодус во Прилеп: 300 деца отпишани од училиште за шест месеци поради селење во странство

Катерина Ѓуровски

Усписите на ученици во средно образование во две пријавувања во јуни

Ана Ололовска