Македонските погранични власти од Табановце во недела го уапсија 55-годишниот Вељко Дујановиќ, државјанин на Србија, кој е уапсен по меѓународна потерница издадена од канцеларијата на Интерпол во Загреб, кој се бара за сторено воено злосторство во регионот на Дарувар (Хрватска).
Дујановиќ е обвинет дека во 1991 година како припадник на воена паравоена единица уапсил неколку хрватски граѓани, ги однел на непозната локација и ги убил.
Тој според потерницата од Хрватска каде што живеел до 1996 година избегал од оваа држава заедно со сопругата и нејзината мајка. Уапсениот е сместен во истражниот затвор „Скопје“.