Во екот на предизборната кампања, Советот на Општина Богданци и градоначалникот на истекот од мандатот подготвуваат Нацрт-генерален урбанистички план за град Богданци.
Нацрт-документот е веќе изложен на јавна расправа со одлука на градоначалникот во заминување од вчера, 11 март, и ќе трае наредните десет дена, што значи до крајот на изборната кампања.
Површината на планскиот опфат, според нацрт-документот, изнесува 388,3 хектари.
Од Општината информираат дека Нацрт-генералниот урбанистички план на град Богданци ќе биде изложен во просториите на Одделението за урбанизам, комунални работи и заштита на животната средина и на огласната табла во Општина Богданци.
„Тоа што им текнало да го урбанизираат Богданци е во ред, но што работеле четири години од нивниот мандат, па на сред избори се развреднија“, изјавуваат од опозицискиот СДСМ.
„Ова не е во согласност со Законот за локални избори, да се држат седници, да се носат одлуки, да се изведува јавна расправа во период кога траат предизборните активности, односно кампањата за локални избори 2013. Или, сè е возможно за власта, која не ферма закони за да оствари изборен резултат“, додаваат од опозицијата во Богданци.
