На Скопските клиники, Градската хируршка болница и во „8 Септември“ хоспитализирани над 80 повредени од Кочани

Од:

На скопските клиники, во Градската хируршка болница „Свети Наум Охридски “ и во „8. Септември“ хоспитализирани се повеќе од 80 потешко повредените лица во пожарот што ноќеска се случи во дискотека во Кочани.

Директорот на Градска болница „Свети Наум Охридски“, Небојша Насто потврди за МИА дека кај нив се примени досега 29 лица, меѓу нив и малолетници, со тешки изгореници на лицето, вратот и рацете.

Од ТОАРИЛУЦ за МИА изјавија дека кај нив досега примени се 31 лице, има и малолетници. генерално сите со изгореници.

Во ГОБ „8. Септември“, примени се 17 лица. На Детска хирургија четири лица.

Повеќето од повредените лица во пожарот во дискотеката во Кочани што се случи ноќеска се пренесени во кочанската општа болница каде се уште им се укажува медицинска помош.

Во првичната информација од МВР за МИА, се посочува дека најмалку 50 лица се загинати во дискотеката во Кочани во која ноќеска избувнал пожар за време на концерт на позната група.

Според информациите објавени во дел од медиумите пожарот најверојатно настанал поради употреба на пиротехнички средства.

Министерот за внатрешни работи Панче Тошковски се очекува да даде изјава за медиумите за трагедијата.

На местото на несреќата е и премиерот Христијан Мицкоски.

Сите надлежни служби, вклучително и јавен обвинител од Основното јавно обвинителство Кочани се на терен. Бројот на жртви и повредени се утврдува. Се уште се преземаат дејствија и се врши увид.

Јавниот обвинител на Република Северна Македонија, како и основните јавни обвинители на ОЈО Скопје и на ОЈОГОКК се на пат кон Кочани. На кочанското обвинителство ќе му бидат ставени на располагање сите капацитети на обвинителствата за итно постапување.

Би можело да ве интересира

Зеленски: Украина тагува со нашите македонски пријатели на овој тажен ден

А1он

Професорката Сара Пројковска, пратечки вокал во ДНК, е меѓу загинатите во кочанската дискотека

A1on

22 најтешко повредени се транспортираат во Србија, Бугарија, Грција и во Турција

Андреј од ДНК загина во пожарот во дискотеката во Кочани

A1on

Директорот на Центарот за култура Штип меѓу починатите во Кочани, беше дел од ДНК

Катерина Ѓуровски

Во трагедијата во Кочани животот го загуби и фудбалер на Шкупи

А1он