Во Неготино денеска започна тридневна стопанско-туристичка манифестација – Неготински панаѓур, за чија цел во централното гратско подрачје се поставени околу шестотини тезги.
Методи Данаилов, раководител на Одделението за финансии и даноци при неготинската општина, потсети дека станува збор за еден од најголемите и најпознати настани од ваков вид во државата, со традиција од над пет децении.
– Изложени се најразличен вид на артикли. Конфекција, храна, обувки, техника, пластика, бижутерија, играчки и многу други производи, информираше Данаилов.
Тој соопшти дека се очекуваат триесетина илјади посетители од земјава и од странство, со оглед на тоа што Неготино е омилена дестинација за време на панаѓурските денови.