Во рацете на 591 делегат е одлуката дали Зоран Заев останува на лидерската позиција во СДСМ.
По паузата дисусиите продолжуваат. Досега со аргументи за и против се произнесоа 22 делегати, 17 од нив беа со поддршка на Заев , а петмина, меѓу кои Есад Рахиќ, Гордан Георгиев, Бобан Карапејовски, Митре Велјановски и Александар Наумовски бараат одговорност за изборниот неуспех и оставка од актуелниот претседател и раководство.
„СДСМ е жив мртовец и ја нема идеолошката матрица“, му забележа екс-потпретседателот и пратеник Гордан Георгиев на Заев.
Велјановски обвини за партиски дисконтинуитет.
Делегатите кои се во одбрана на Заев тврдат дека тој е на чело на партијата нецели десет месеци, период за кој покажал исклучителна храброст и се конфронтирал директно со власта. Неуспехот велат е и поради претходните погрешни чекори. Враќањето на мандатите, посочуваат е доказ за фалсификатот и кражбата на изборите. Посочиле дека против Заев се оние кои не се најдоа на листите на последните избори, а до сега со години биле во партискиот врв и биле пратеници по неколку мандати.
Поддршка за Заев од генералниот секретар Оливер Спасовски.
„Зоран Заев има капацитет да обедини и има програмска концепција. Тој е лидер-пријател“, рече Спасовски.