Четиринаесет килограми марихуана откриле царинските службеници на граничниот премин деве баир кон соседна Бугарија.
Дрогата била скриена во резервоарот на автомобил со молдавски регистарски таблички, управуван од патник со двојно, молдавско и романско државјанство, кој пријавил дека патува од Саранда, Албанија.
На царинските службеници им било сомнително што резервоарот на автомобилот иако изгледал полн, при контакт со клуч покажувал дека е празен. Го провериле и пронашле 25 пакувања марихуана потопени во нафтата.
Марихуаната требало да заврши на нелегалниот пазар во Молдавија. против возачот на автомобилот е поднесена кривична пријава.
