На Дебарско Езеро одржано државното првенство во веслање

Од:

Во организација на Веслачката федерација на Македонија, во водите на Дебарското Езеро, вчера се одржа 22-то државно превенство во веслање.

На првенството учествуваа веслачките клубови „Црн Дрим“ од Струга, „Југ“ од Охрид и домаќинот „Дебар“.

Во женска и машка конкуренција, во скиф и дубл скул категорија, во десет дисциплини силите ги одмерија четириесет натпреварувачи.

Најдобри екипно беа веслачите од Охрид, втори веслачите од Струга и последни домаќините.

Според претседателот на веслачката федерација на Македонија, Златко Голабоски учесниците покажале солидни резултати, како резултат на нивното залагање и залагањето на нивните тренери.

Тој го потенцираше фактот дека Дебарското Езеро нуди одлични услови за одржување, не само на државни туку и на меѓународни натпревари на сите видови спортови на вода.

Според претседателот на ВК „Дебар“ Деспот Казанџиовски, за нив посебна чест е што се домаќини на државното првенство во година кога клубот ја одбележува 40-годишнината од постоењето.

Би можело да ве интересира

Шанса за Центар: Вистината за планот за Треска, наместо 1500 ќе се населат 5000 жители

Предраг Петровиќ

Како малиот бизнис „Сакаш“ преку Wolt го забрза својот развој

Предраг Петровиќ

Откако мечка се појави на булеварот во Дебар: Не трчајте, побрза е од вас

Предраг Петровиќ

Мицкоски: Јакимовски мора да биде минато во Kарпош, потребна е промена за крај на бетонизацијата

Ѓорѓиевски: На Шуто Оризари му е доста од хаос и запоставеност, мојот концепт е Скопје еднакво за сите граѓани

Мицкоски: Хаќим Рамадани откако ќе ги изгуби најпрво изборите тука во Брвеница, ќе биде разрешен од позицијата