На барање на голем број компании Владата покренува автентично толкување на Законот за контрола на опојни дроги

Од:

На предлог на Министерството за здравство, Владата на вчерашната седница ја разгледа и усвои информацијата со предлог барање за автентично толкување на член 49, став 1 од Законот за контрола на опојни дроги и психотропни супстанции во Собранието.

Постапката, како што информира владиниот портпарол Душко Арсовски, Влада ја покренува заради барањето на голем број компании со лиценци за одгледување канабис за медицински цели за извоз на сушен цвет од канабис, како и заради усогласување на недореченоста во Законот за контрола на опојни дроги и психотропни супстанции дали сушениот цвет може да добие третман на препарат на супстанции и растенија класифицирани во листите 2 и 3 кој што е подобен за извоз надвор од територијата на државата.

-Станува збор за предлог упатен од Министерството за здравство до Собранието за автентично толкување на член од Законот за контрола на опојни дроги. Тоа е постапка која се покренува на барање на голем број компании со лиценци за одгледување на канабис за медицински цели, прецизира Арсовски во одговор на новинарско прашање на денешната прес-конференција во Владата.

Барањето, додаде, е поднесено, бидејќи е проценето дека има недореченост во Законот.

Тој информира дека на вчерашната седница Владата го усвои и петтиот пакет на мерки кој има за цел рестартирање на економијата и враќање на стапките на економски раст во интервалот од 4 до 5 проценти од пред стапувањето на кризата и за директна поддршка на стопанството, а со тоа и поддршка на граѓаните за подобрување на животниот стандард и на работните услови.

-Вредноста на овој пакет е проценета на 9,773 милијарди денари, рече Арсовски.

Би можело да ве интересира

По четири месеци, постои надеж дека 22 илјади граѓани ќе ги добијат ветените по 6.000 денари државна помош

Бесими: Проекциите за првиот квартал се покажаа како реални, а не како амбициозни

Ана Ололовска

Заев: Со нови мерки ќе бидат опфатени сите економски оператори кои ќе бидат затворени овие две недели

Ана Ололовска

(ВИДЕО) Заев: Присутни се позитивни трендови, економијата е жива и стабилна, 2021 ќе биде година на заздравување и економски раст

Ана Ололовска

Николовски: Владата и студените се на иста страна, заеднички градиме меѓусебна доверба и систем за борба против корупцијата

Жарко Настоски

Владата за ангажираните 58 соработници: Нема тајни хонорарци, ако дозволи Законот ќе го објавиме списокот со нивните имиња

Габриела Димковиќ-Мишевска