Министерството за внатрешни работи (МВР) се уште не открива од какво орудие е стрелано во инцидентот кога синоќа во близина на зградата на Владата е регистрирана експлозија.
Од МВР информираат дека во тек е вештачење на остатоците од експлозивната направа пронајдени на местото на експлозијата.
Синоќа МВР соопшти дека од извршениот увид е пронајдено местото на експлозијата, во тревникот кон реката Вардар, на оддалеченост од 5 до 10 метри од зградата на Владата. Од експлозиијата не е нанесена никаква штета.
Oва е втор ваков инцидент. Во октомври лани врз зградата на Владата исто така беше стрелано, најверојатно од рачен фрлач на гранати.
