Пред неколку дена тинејџерка (17) од Грција е убиена од нејзиното момче, 21-годишен Пакистанец кој потоа побегнал и сакал преку Македонија да избега во ЕУ.
Осомничениот е 21-годишниот маж кој наводно ја убил 17-годишната девојка Николета во Перистери, јавија грчките медиуми повикувајќи се на објавата на грчкиот министер за јавен ред Такис Теодорикакос.
-Тој сега е во рацете на грчката полиција, која го сомниче дека е извршител на убиството на седумнаесетгодишната Николета во Атина и ќе биде изведен пред надлежното обвинителство, објави министерот Теодорикакос.
Според информациите на newsit.gr, тој ја напуштил Атика како и Грција и заминал во Северна Македонија со намера да продолжи кон земјите од Централна Европа. Украдениот телефон на брутално убиената 17-годишна Николета како и блиската соработка на полициските власти на Грција и Северна Македонија, доведе до апсење на 21-годишниот Пакистанец, јавуваат грчките медиуми.