Во Радовиш полициски службеници од СВР Струмица вчера ги уапси Г.Т.(49) од Радовиш и Д.Г.(25) – полициски службеник од радовишкото село Ораовица, поради сомнение дека сториле кривично дело „лихварство“.
Како што денеска соопштија од МВР, при преглед кај Г.Т. биле пронајдени пари кои му биле исплатени при продажба на мотор, кој во ноември 2024 година бил оставен кај Д.Г. од жител на радовишко село како залог дека ќе ги врати парите што Д.Г. му ги дал. Додека, при преглед кај Д.Г. бил пронајден и нотарски купопродажен договор за продажба на моторот.
Полициски службеници од СВР Струмица – ОВР Радовиш, врз основа на судска наредба, извршиле и претрес во домот на Д.Г., при што биле пронајдени и други предмети за кои постои сомнение дека се поврзани со делото.
За настанот се известени Одделот за внатрешна контрола, криминалистички истраги и професионални стандарди при МВР и јавен обвинител. По целосно документирање на случајот, против лицата ќе биде поднесена соодветна пријава.