Неколку навивачи на Полска се приведени вчеравечер во центарот на Скопје, откако меѓусебно се степаа во едно кафуле. Македонската полиција екпресно реагираше и за кусо време го реши инцидентот.
„Вчера во 20:00 часот во СВР Скопје било пријавено дека во угостителски објект на Плоштад „Македонија” бил нарушен јавниот ред и мир од полски навивачи кои се дојдени да го следат фудбалскиот натпревар помеѓу нашата и репрезентацијата на Полска. Полициски службеници излегле на местото и во Полициската станица Центар биле приведени лицата П.М.Б.(30), П.В.(38), K.K.(26) и С.В.Б.(40), сите државјани на Република Полска, за понатамошна постапка“, соопштуваат од МВР.
Според очевидци, распрвата прво била вербална, а потоа дошло и до физичка пресметка помемеѓу навивачите кои се наоѓаат во Скопје во очекување на вечерашниот квалификациски дуел за ЕВРО 2020 на нивната со македонската фудбалска репрезентација.