Меморандумот за соработка меѓу Министерството за внатрешни работи и Факултетот за информатички науки и компјутерско инженерство(ФИНКИ) ќе биде потпишан во понеделник.
Меморандумот во просториите на ФИНКИ ќе го потпишат министерката за внатрешни работи Гордана Јанкулоска и деканот на оваа високообразовна институција, проф.д-р Димитар Трајанов.
Со овој документ се отвора простор за конкретна соработка меѓу двете институции во рамки на заедничките интереси базирани на искористување на научно-стручните, професионалните, материјално-техничките и просторните услови а насочено кон унапредувањето на едукативните, истражувачките и апликативните активности од областа на информатичките науки и компјутерското инжeнерство.