МВР: Го расветлуваме инцидентот во „Палас“, ова е опсежна полициска операција

Од:

МВР не соопштува детали околу вечерашното апсење на лица инволвирани во пукотниците во хотелот „Александар Палас“ што се случи во саботата. Засега се се сведува на шпекулации и непотврдени информации, од кои последните се дека всушност вечерва се приведени две од лицата во кои било пукано, а не пукачите. Според нашите извори, лицата во кои било пукано завчера упатувале заканувачки пораки до полицијата и реагирале дека не биле заштитени за време на инцидентот.

Од МВР тврдат дека станува збор за опсежна полициска операција и дека никакви детали во овој момент не можат да бидат соопштени.

„Изминатото деноноќие полицијата презеде оперативно такитчки активности со цел расветлување на настанот во Алаксандар Палас. Приведени се две лица кои се поврзани со овој настан и со кои се обавуваат истражни разговори. Со оглед на тоа дека станува збор за опсежна полициска операција која е во тек, во овој момент детали нема да бидат соопштени“, велат од МВР.

Полициската станица Карпош вечерва е под опсада – сите приоди до станицата се блокирани од страна на специјалци со автомати, а секој автомобил што ќе помине го осветлуваат рефлектори.

Пукотниците во хотелот „Александар Палас“ се случија во саботата вечерта. Додека во ресторанот на хотелот седеле Е.И. (21), Е.И. (25), О.Б. (35), К.И. (41) и Љ.Ќ. (25), три лица со маски почнале да пукаат кон нив. Тогаш Љ.Ќ., полициски службеник кој не бил на работа, а бил дел од групата, испукал 11 куршуми од службениот пиштол кон нив, по што тие заминале. Повредени лица во инцидентот немаше.

Трагите за напаѓачите се претпоставува дека водат кон скопско Арачиново во чија близина беше и пронајдено возилото што го користеле напаѓачите. Автомобилот „Фолксваген Туарег“ бил целосно пеплосан по нападот, а внатре биле пронајдени две опожарени автоматски пушки марка „калашников“.

Би можело да ве интересира

МВР: Се истепале вработени во здравствена установа во Скопје

Уште се чека за пасош со месеци, постапката забрзана ама само за оние што имаат да платат 100 евра

Маж поврден од заталкан куршум кај Арачиново

Затвореник од Издризово, излезен на викенд, со нож нападнал скопјанец

Средовечен скопјанец се замозадоволувал во автобус на ЈСП

МВР: Скопјанка нападнала новинар, но и полициски службеник