На судењето за настаните од 27 април во кривичниот суд, сведочеше разузнавачот Мунир Пепиќ. Тој рече дека критичниот ден следел непознато лице на протестите „За заедничка Македонија“ пред и во Собранието. Тој раскажуваше дека неговиот таргет говорел на мобилен телефон и правел „селфи“ фотографии.
Обвинетите и судиите почнаа да се смејат кога Пепиќ објаснуваше дека и’ рекол на повредената пратеничка Радмила Шекеринска дека не и’ личат кондурите за докторка.
„Госпоѓо Шекеринска кондурите не ви личат за докторка. Стварно така беше. Беше тоа една мала шала за да ја опуштам“, рече Пепиќ, по што судијката Кацарска и останатите обвинети во судницата продолжија да се смејат.
Судењето е во фаза на доказна постапка со изложување одбрана на обвинетите и изведување на нивните докази.
Васко Маглешов