„Денеска учествував на Меѓународната конференција за Коридорот VIII, каде што се обратив на панелот на високо ниво „Геостратешки контекст на Коридорот VIII“ – напиша на Фејсбук министерот за надворешни работи, Тимчо Муцунски.
-Истакнав дека Коридорот VIII е многу повеќе од транспортна рута – тој е стратешка визија што ги поврзува Јадранското и Црното Море, Европската Унија и Западен Балкан, како и нашите економии и безбедносни интереси.
Во време на геополитички и економски предизвици, потребни ни се конкретни резултати, усогласена динамика и видлив напредок по целата траса. Нашите граѓани и европските партнери ќе го оценуваат Коридорот VIII според инфраструктурата што навистина ќе ја изградиме.
Ја потврдив нашата решеност да го исполниме својот дел од обврските и, заедно со Бугарија, Албанија и европските партнери, да ја забрзаме реализацијата на Коридорот VIII.
Поврзаноста значи поголема безбедност, отпорност и економски развој за целиот регион, напиша Муцунски.