Муцунски: Силно сме посветени на реформската агенда и европските интеграции

Од:

Новата влада, предводена од премиерот Христијан Мицкоски е силно посветена на реформската агенда и европските интеграции и во периодот што следи ќе преземеме низа активности во насока на забрзување на нашиот евроинтегративен процес. Ова го истакнал министерот за надворешни работи и надворешна трговија Тимчо Муцунски на денешната средба со еврокомесарот за соседство и проширување, Оливер Вархеји.

Муцунски на Фејсбук објави дека на средбата со Вархеји нагласил и дека политиката на проширување на ЕУ е најдобрата алатка за поттикнување на реформските и демократските процеси, но истовремено е и клучна геостратешка инвестиција во мир, стабилност и економски развој на земјите од регионот, но и Европа како целина.

– На средбата разменивме мислења и за Планот за раст на ЕУ, оценувајќи го како силна поддршка од страна на ЕУ за економско зајакнување на земјите од Западен Балкан, поттикнување на регионалната соработка, но и доближување на земјите од регионот поблиску до ЕУ и пред формалното членство, наведува Муцунски, кој денеска во Луксембург учествуваше на средбата на шефовите на дипломатиите на членките на ЕУ и на земјите од Западен Балкан што се одржа во рамки на европскиот Совет за надворешни работи (ФАК).

Министерот за надворешни работи и надворешна трговија утре ќе престојува во Брисел каде што ќе се сретне со генералниот секретар на НАТО, Јенс Столтенберг, а потоа ќе има и средби со високи претставници на Европската Унија.

Би можело да ве интересира

Апасиев до Муцунски: Ќе има ли македонска државна делегација за 80 години од победата над фашизмот во Москва?

Средба на Муцунски со шефот на дипломатијата на ОАЕ, шеикот Абдула бин Зајед Ал Нахјан

Муцунски: Проширувањето на ЕУ е неопходно за политичка и безбедносна стабилност на европскиот континент

Унгарија: Украина не може да влезе во ЕУ пред земјите од Западен Балкан

Муцунски: Во болницата „Пирогов“ во Софија се лекуваат девет повредени од несреќата во Кочани

Горан Наумовски

Фрчкоски до Муцунски: И од неискусен министер е сепак премногу наивно и манипулативно за јавноста

Горан Наумовски