Јавна расправа за предлог-законот за социјална заштита денеска ќе се одржи во Собранието, покрај учеството на министерката за труд и социјална политика, Мила Царовска, и пратеници се очекува да дискутираат и претставници од граѓанските организации и експерти.
Предложениот Закон за социјална заштита е една од трите законски регулативи од социјалната реформа со кои се преобразува целото општество и начинот на кој државата се грижи за најранливите, но и се воведува праведна распределба на средствата.
Министерството за труд и социјална политика коешто ја подготви социјалната реформа очекува пратениците во најскоро време да ги донесат законите со кои се овозможуваат реформи во социјалната сфера, а треба да им овозможат поквалитетен живот на сите граѓани.
Според проценките на МТСП, со социјалната реформа ќе бидат извлечени 400 илјади граѓани над линијата на сиромаштија, но и ќе се обезбедат еднакви шанси за секое дете.
