Мост:Во Европа има што да се види, искористете ја можноста

Од:

Наталија Јовановска е студент од четврта година на Филолошкиот факултет во Штип, со просечна оценка на студирање 9,96. Одлично говори англиски, германски и италијански јазик, а досега немала можност да патува во Европа. За неа секоја Европска земја има свој шарм, но нејзина најголема желба е да ги посети Германија, Франција. Италија, Шпанија и Холандија. Желбата ова лето ќе и се исполни затоа што таа ќе биде дел од студентите кои ќе патуваат во Европа во наредниот месец дена.

На своето ново патешествие, Наталија и останатите студенти од проектот, ќе ги запознаат европските земји и нивните демократски вредности, народите и културите, но и ќе раскажат за својата земја и ќе ги поканат европските граѓани да ја посетат Македонија. Студентите се избрани на јавен конкурс, селектирани според просечната оценка во текот на студирањето, редовност во студирањето и познавање на странски јазици.

„Среќен пат“ им посакаа Роберт Лидел, раководител на одделот за политика и информации во Делегацијата на ЕУ и Дарко Алексов, извршен директор на Граѓанска асоцијација МОСТ. Тие на студентите им порачаа:

“Вие, дел од најдобрите студенти во Македонија, бевте храбри да го прифатите предизвикот еден месец да патувате низ Европа, и со тоа докажавте дека македонските студенти се подготвени да одат напред. Искористете ја можноста што ви е дадена и видете што повеќе, научете што повеќе. А во Европа има што да се види“.

Реализаторот на проектот, Граѓанската асоцијација МОСТ, со помош на донаторите и спонзорите, на студентите им обезбедува Inter Rail карта, за неограничено патување со воз, осигурување, студентска картичка и дел од средствата кои ќе им бидат потребни, на платежна картичка.

Целта на Патуваме во Европа е студенти од Македонија, преку патување и посети, директно да се запознаат со демократските вредности, навики и култури во другите земји, и да ги промовираат и доближат тие вредности во Македонија. Во исто време студентите ќе ја промовираат и Македонија. Ова е шеста генерација на студенти кои ја имаат оваа уникатна можност за патување низ Европа. Минатите години повеќе од 100 студенти беа дел од проектот.

Ова е регионален проект во рамките на кој студенти од Македонија, Србија, Косово, Црна Гора, Босна и Херцеговина и Албанија, ќе можат да патуваат и да се запознаат со функционирањето на системите во другите држави, а во исто време и да ги претстават сопствените земји.

Би можело да ве интересира

Учениците се враќаат на настава, почнува второто полугодие

Ана Ололовска

Здружението на информатичари реагира на новиот концепт за основно образование

Ана Ололовска

ВИДЕО: Двајца средношколци избркани од училиште поради вулгарност на онлајн час

Маја Илиевска-Пачемска

Институт за педагогија: Владиниот образовен концепт е полн со недоследности

Жарко Настоски

Влада: Не се укинува предметот историја, следи исцрпна јавна расправа за образовниот концепт

Жарко Настоски

Заев: Нашата намера не е да го укинеме предметот историја

Ана Ололовска

2 comments

commanddevil 16/07/2012 - 16:21 at 16:21

ODETE VO TAA EVROPA I GLEDAJTE STO VI E KEJF….

Reply
jas 23/07/2012 - 20:35 at 20:35

I јас срце ке одам, ама не се вракам!

Reply

Leave a Comment

2 × 4 =