Ако сте апсолвент или последна година од студии на сите Универзитети, имате просек над 8,50 , ако имате желба за патување, авантури и запознавање на непознатото, пријавете се „Пат во Европа“.
Ова лето, 12 студенти од Македонија ќе добијат 3 дена во Берлин, интер-раил карта за патување со воз до сите дестинации во ЕУ и џепарлак за да поминат незаборавни 30 дена запознавајќи било која земја и било кој град во Европа. Сакаш ли да ја видиш Бранденбуршката капија? Ајфеловата кула?
Римскиот колесеум или музеите во Амстердам? Дали имаш дупка од месец дена во твојот “набиен“ студентски распоред? Дали сакаш на младите Европјани кои ќе ги сретнеш во воз, хостел, музеј или клуб лично да им го препорачаш местото од каде што доаѓаш, знеменитостите крај кои си израснал, храната што си ја јадел и виното што си го пиел носејќи им брошури од Македонија?
Тогаш, велат од граѓанската асоцијација МОСТ, аплицирајте на http://most.org.mk/patvoevropa.org.mk/?page_id=235.
Организаторот обезбедува
-Interrail карта за 30 дена
– 3 дена во Берлин
– осигурување
– платежна картичка
Пријавувањето е до 9-ти јули.