Претседателката на ДОМ и координаторка на интерпартиската парламентарна група за правата на ЛГБТИ лицата Маја Морачанин, на покана на францускиот амбасадор, Кристијан Тимоние, говореше за активностите кои групата ги презема за унапредување на правата на ЛГБТИ луѓето и нивна заштита од дискриминација, насилство, говор на омраза и стигматизирање.
„Интерпартиската парламентарна група за правата на ЛГБТИ лицата дава активен придонес за развој на нашето општество како современо општество во кое се применуваат европските вредности на почитување на човековите права и слободи, принципите на толеранција, ненасилство и недискриминација по било кој основ, вклучително и сексуалната ориентација и родовиот идентитет. Затоа се залагаме Собранието на Република Македонија да го донесе Законот за спречување и заштита од дискриминација“, истакна Морачанин.