Во овие неколку часа на социјална мрежа Facebook и Twitter се постираат голем број на фотографии за реалноста во која живее македонскиот граѓанин.
Под хаш тагот #МојаМакедонија интернет публиката постира слики за прислушкувањето во Македонија, лошата економска состојба и рекордната младинска невработеност, апсењата на политичките противници и новинари, случајот со смртта на Тамара и молкот на Тодоров и институциите.
Граѓаните се револтирани и ја потсетуваат власта и за убиството на Мартин Нешкоски, аферата “Македонска банка”, патните трошоци на Силвана Бонева, становите на владините функционери во зградата на ул.”Димитар Мирчев” бр.20.
Граѓаните реагираат на активноста на Унијата на млади сили на ВМРО-ДПМНЕ која под хаш тагот #МојаМакедонија ги форсира своите приврзаници да објавуваат фотографии, кои ќе ја сокријат девет годишната реалност и начинот на нивното владеење.
