Министерството за надворешни работи изрази жалење и осуда за терористичките акти во Париз кои доведоа до повеќе жртви, посочувајќи притоа дека нападот врз новинарите во седиштето на Шарли Ебдо претставува кукавички чин.
– Ваквите варварски акти кои имаат за цел да ја заплашат слободната мисла и вредностите на демократијата остро ги осудуваме. Македонскиот народ сочувствува со францускиот народ и семејствата на жртвите во овие тешки моменти, се вели во денешното соопштение од МНР.
Во него се додава дека министерот за надворешни работи Никола Попоски по повод овие настани упатил писмо со сочувство до својот француски колега, Лоран Фабиус.