Министерството за надворешни работи објави оглас за вработување на кој бара советник со плата од 32.000 денари. И се би било во ред, доколку не е наведено дека може да конкурираат тие со завршен висок степен на образование или најмалку 180 ЕКТС од областа наука за книжевност-англиски јазик.
Токму ова барање упатува на сомневањето дека повторно се вработува како до сега, со однапред договорени квалификации на кандидатите. Во огласот, иако стои наука за книжевноста – англиски јазик, подолу повторно се бара доказ за познавање на англиски јазик, што покажува дека кандидатот би можел да биде од било која наука, само со доказ за познавање на јазикот. На социјалните мрежи веќе се спомнува и името на кандидатот кој треба да се вработи.
СДСМ како опозиција секогаш зборуваше за партиското вработување на ВМРО-ДПМНЕ и велеа дека кога тие ќе бидат на власт овој начин на вработување ќе заврши.
