Македонскиот граѓанин на работа во Либија, Милјазин Гафури од Ново Село, општина Боговиње, е ослободен и се наоѓа во Италијанската амбасада во Триполи, соопшти денеска Министерството за надворешни работи на Република Македонија.
Гафури и негови двајца колеги од фирмата во која што работат се водеа како исчезнати од завчера наутро.
Министерството за надворешни работи се заблагодарува на одличната соработка на италијанските, либијските и босанските власти.