Во овој момент не знаеме дали и што точно се случило, но во оној момент кога ќе добиеме прецизни информации сигурно дека ќе дејствуваме, одговори министерот за надворешни работи Никола Попоски денеска на новинарско прашање дали ќе го повика во Скопје на разговор македонскиот почесен конзул во Перу, Дејан Атанасовски во врска со, како што објавија некои медиуми, инцидентот со припадник на полицијата.
Како што објавија медиумите во Перу, конзулот Атанасовски повеќе пати досега „недипломатски се однесувал“.
Атанасовски пред една недела дошол во конфликт со соседите во зградата каде што живее и каде е сместено конзуларното претставништво на Република Македонија. Полицијата интервенирала за расправијата, а Атанасовски, според информацијата на тамошните медиуми, нападнал полицаец.