Многу топло, попладне дожд и грмежи

Од:

Времето денеска во државата е сончево и топло со мала до умерена облачност. Попладне ќе има локален развој на нестабилна облачност со пороен дожд и грмежи. Наместа процесите ќе бидат поинтензивни. Ќе дува слаб до умерен, а наместа долж Повардарието повремено засилен ветер од северен правец.

Како што соопшти УХМР, минималната температура ќе биде во интервал од 10 до 19, а максималната ќе достигне од 29 до 38 степени.

Во Скопје, претпладне сончево со мала до умерена облачност, а попладне во делови од котлината ќе има услови за краткотраен пороен дожд и грмежи. Ќе дува слаб до умерен северен ветер. Минималната температура ќе се спушти до 18, а максималната ќе достигне до 37 степени.

Во среда и четврток ќе преовладува сончево и многу топло време со мала до умерена локална облачност. Поради брз продор на посвежа воздушна маса од север, во петок времето ќе биде променливо облачно, малку посвежо и ветровито со услови за локален дожд. Во деновите од викендот ќе биде стабилно со пораст на дневната температура.

Би можело да ве интересира

Во Скопје во јули надмината апсолутната максимална температура, измерени 43,7 степени

Сончево и потопло викендов

Период на променливо време со врнежи и пониски температури

Катерина Ѓуровски

Посвежо време со локални врнежи и максимална температура до 35 степени

До четврток малку пониски температури, од петок повторно затоплување

Екстремни температури од над 40 степени, да се почитуваат мерките за заштита