Имам сознанија дека се заглавени дури 8.500 предмети за нега на трето лице, изјави на прес-конференција, министерката за труд и социјална политика, Рашелa Мизрахи.
Таа најави дека периодов ќе се ангажира околу овој проблем.
„Нашите информации велат дека постојат сомневања за злоупотреби и неосновано одземање на истата од граѓаните на кои им е најмногу потребна. На таквите поплаки и реакции мора да се одговори. Ќе биде темелно прочешлано на кој начин и како се дадени согласностите за нега на трето лице, но и на кој начин се одземани и не се доделувани овие права. 8500 заглавени предмети укажува на тоа дека системот не функционира, дека има луѓе на кои им е потребна помош во овој момент, а не ја добиваат“, изјави Мизрахи.
Министерката додаде се распишани лицемерни тендери два дена пред техничка влада и партиски вработувања на кои мора да им се стави крај.
„Министерствата се на граѓаните, а не на партиските центри“, заклучи Мизрахи во своето обраќање.
Санела Шкријељ која е дополнителен заменик министер во Министерството за труд и социјална политика веднаш по прес конференцијата ја демантираше Мизрахи.