Кандидатот за градоначалник на ВМРО-ДПМНЕ и актуелен градоначалник на општина Ѓорче Петров Сокол Митревски денеска ја презентира својата изборна програма за локалните избори 2013-2017 година насловена „Нови дела за нов напредок, нови дела за подобро Ѓорче Петров“.
Митровски, кој го привршува вториот мандат како градоначалник, потенцираше дека Ѓорче Петров е општина со визија, а тој никогаш нема да застане во исполнувањето на ветените проекти.
-Пред јас да станам градоначалник, Ѓорче Петров беше руинирана општина без инвестиции. Денес, Ѓорче е лидер во западниот регион, каде има спортски игралишта и сали, шетачки патеки покрај Вардар, кружни текови, реконструирани училишта и градинки, здрава вода за пиење за сите семејства. Денес живееме во поинакво, модерно Ѓорче – рече Митровски.
Тој најави дека ликот на општината ќе продолжи да се менува, ќе се вложи во подигнување на животниот стандард на граѓаните и ќе со носат инвестиции кои ќе отворат нови вработувања.
Со пофални зборови за Митровски се обрати и премиерот Никола Груевски:
Народот гледа кој прави дела, а ние сме партија која ветува и остварува. Ѓорче Петров нема да има тешка задача, бидејќи го има вистинскиот човек кој памети што ветил и не заборава да го реализира ветеното – рече Груевски.