На денешниот Централен комитет на ВМРО-ДПМНЕ за потпретседатели на партијата се избрани Владо Мисајловски, Митко Јанчев и Александар Николоски.
Владо Мисајловски е поранешен министер за транспорт и врски, кој што на таа функција дојде во мај 2015 година, на местото на Миле Јанакиески. Митко Јанчев е актуелниот градоначалник на Кавадарци, а Александар Николоски е пратеник од редовите на ВМРО-ДПМНЕ, кој беше и предлог за македонски амбасадор во ЕУ.
За генерален секретар на партијата е избран Игор Јанушев, поранешниот директор на ЈСП. Тој се споменуваше во „бомбите“ во врска со печатењето на лични карти.
На Централниот комитет не беа поканети Илија Димовски и Антонио Милошоски. Тие се дел од потписниците на отвореното писмо со кое се бараше одложување на Конгресот за избор на Мицкоски за лидер на ВМРО-ДПМНЕ и со кое се критикуваше демократскиот процес.
Г.Н.Р.