Пратеничката на ДУИ, Емини Мирсаде, кажа дека со манифестацијата во Гостивар, повторно се обидуваат да ја дефокусираат јавноста.
– Вие сакате да кажете дека опасноста доаѓа од албанскиот народ, а сведоци сме на прекршување на Уставот, со цел да не се предаде власта.
Таа истакна дека партиите на Албанците не се за кантонизација и двојазичност, туку бараат правда и нагласи дека сите сме живееле и ќе продолжиме да живееме заедно.
Димовски процедурално одговори дека натписите на манифестацијата биле само на албански јазик, спротивно од претходното негово тврдење, дека и говорите се држеле само на албански јазик.
– Треба да имаме адекватни односи, да немаме чувство дека некој од администрација во Гостивар е избркан само затоа што е Македонец. Да потпишеме документ и да ги бараме истите права, како на Албанците во Македонија, така на Македонците во Албанија, за да почнеме да имаме некаква доверба, рече Димовски.