Матурската вечер на гевгелиските матуранти минала мирно, потврдува информативниот билтен на Полициската станица од Гевгелија според кого изминатава недела, вклучувајќи го и матурскиот викенд, на териториите на општините Гевгелија, Богданци и Дојран се случиле три сообраќајни несреќи кои поминале без повредени и со причинета материјална штета од 200.000 денари.
Во полицискиот билтен се констатира дека ваквиот епилог првенствено е резултат на почитување на договорот до местото на прославата матурантите да користат превоз со такси возила или од страна на своите родители, што на крајот се покажало многу корисно.
Покрај ова во билтенот е наведено дека немало скоро никакви нарушувања на јавниот ред и мир и дека се регистрирани само неколку кражби на супермаркети, велосипеди и мобилни телефони.