Министерот за правда Билен Салији и амбасадорката на Мисијата на ОБСЕ во Република Македонија, Нина Суомалаинен на денешната средба во Скопје разговарале за актуелната политичка состојба во земјава.
Како што соопшти Министерството за правда, на средбата било разговарано за Законот за Академијата за судии и јавни обвинители, за Законот за обвинителството и за Законот за навреда и клевета.
Двајцата соговорници размениле мислења и за законите кои се произлезени како резултат од извештајот на Прибе, итните и приоритетните реформи и Венецијанската комисија.
Министерот Салији и се заблагодарил на амбасадорката Суомалаинен за посетата и изразил подготвеност за соработка во разрешувањето на сите проблеми во рамките на надлежностите на Министерството за правда.