Министерот за надворешни работи Никола Попоски од денеска престојува во дводневна работна посета на Сојузна Република Германија.
За време на посетата министерот Попоски предвидено е да оствари средби со неговиот германски колега, сојузниот министер за надворешни работи Гидо Вестервеле, со претставници од Канцеларијата на германската канцеларка Ангела Меркел, како и со членови на Комисијата за ЕУ и пратеници од германскиот Бундестаг.
На средбите со германските соговорници министерот Попоски ќе ги пренесе македонските очекувања за поддршка од Германија за донесување на одлука за почеток на пристапните преговори на претстојниот Самит на ЕУ во јуни оваа година, при што ќе ги повтори нашите ангажмани и агенда во исполнувањето на потребните обврски во процесот на нашето интегрирање во ЕУ и во НАТО.