Министерот за надворешни работи на Република Македонија Никола Попоски денеска ќе престојува во Република Финска.
Во рамките на посетата, Попоски ќе оствари средба со министерот за надворешни работи на Фински ,Ерки Туомиоја. На средбата се очекува да бидат разменети мислења за политички и економски односи, како и за соработката меѓу двете земји при процесот на интеграцијата на Република Македонија во ЕУ.
Попоски, ќе се сретне и со претседателот на финскиот Парламент Еро Хеинолуома, како и со други личности од јавниот и политичкиот живот на Финска, а министерот ќе одржи и предавање на Aleksanteri Institurte, при Универзитетот во Хелсинки.