Министерот за надворешни работи на Република Македонија Никола Попоски денеска ќе престојува во официјална посета на Босна и Херцеговина, на покана на неговиот босански колега Златко Лагумџија.
На средбата меѓу двајцата министри се очекува да бидат разменети мислења за досегашното ниво на севкупните билатерални односи меѓу двете земји, како и можностите за нивен натамошен развој, со посебен акцент на интензивирањето на економската соработка.
Министрите Попоски и Лагумџија ќе разменат мислења и за регионалната соработка, со посебен осврт врз македонското претседавање со ПСЈИЕ.