Министерот за надворешни работи Никола Попоски денеска во Букурешт ќе учествува на формалниот состанок на министрите за надворешни работи на земјите учеснички во Процесот за соработка во Југоисточна Европа (ПСЈИЕ).
Се очекува на состанокот да бидат разменети мислења за актуелните случувања во регионот и регионалната соработка во рамки на оваа најширока регионална платформа. Ќе се разговара и за улогата на земјите – членки на ЕУ од регионот во процесот на проширување на Унијата.
Во пресрет на Самитот на ПСЈИЕ, министерот Попоски ќе ги произнесе видувањата на Македонија во контекст на унапредувањето на регионалната соработка во рамки на Партнерството со кое претседаваше минатата година.