Министерот за надворешни работи Никола Попоски ќе учествува на форумот „Европска енергетска безбедност“ што од вчера се одржува во Дубровник, Република Хрватска.
Како што соопшти МНР, предвидено е Попоски да има обраќање, а покрај домаќинот, првиот потпретседател на Владата и министер за надворешни и европски работи Весна Пусиќ, ќе учествуваат и министрите за надворешни работи на Шведска, Турција, Унгарија, Латвија, Албанија, Црна Гора, како и други високи претставници од повеќе европски земји.
Традиционалниот годишен Форум оваа година се фокусира на енергетскиот сектор кој има се поголема улога во дефинирањето на политиката во 21-от век. Стабилни, сигурни и одржливи извори на енергија се клучни за стабилноста на Европа што е важно и за европската конкурентност со оглед на зголемената потреба за енергија.