Министерот за внатрешни работи Агим Нухиу денеска оствари средба со турскиот амбасадор во Македонија, Тулин Еркан Кара.
Како што соопшти МВР, двајцата соговорници размениле искуства за борбата против тероризмот и предизвиците на мигрантската криза.
На средбата станало збор и за продолжување на соработката на полето за обука и семинари во Министерството за внатрешни работи на Република Турција, кои би ги посетувале полициските службеници од Македонија.
Нухиу и Кара се согласиле дека од интерес на двете земји е соработката да продолжи и да се продлабочи во иднина.
