Министерот за правда Блерим Беџети на денешната средба со француската амбасадорка Лоренс Оер, изразил подготвеност за соработка со Република Франција во доменот на човековите права и судството, притоа заложувајќи се за интензивирање на билатералната соработка.
Амбасадорката Оер, како што соопшти кабинетот на Беџети, посочила дека ова и е прв состанок на министерско ниво откако ја има преземено амбасадорската функција, истакнувајќи дека надлежноста на правда е многу важна во делот на преговорите со Европската унија.
Франција, како што нагласила амбасадорката, се залага за натамошно продолжување на соработката во делот на реализација на проекти од областа на правото и билатерални проекти.
На средбата министерот Беџети ја информирал аммбасадорката Оер за активностите на кои во моментов е посветено Министерството за правда, ставајќи акцент на делот на законодавството кое е во насока на усогласување со легислативата на Европската унија.