Министерот без ресор задолжен за дијаспора Едмонд Адеми утре и задутре ќе престојува во официјална посета на Обединетото Кралство.
Во рамки на престојот во Лондон, Адеми утре ќе се сретне со директорката на Одделот за Југоисточна Европа при британското Министерство за надворешни работи, Фиона Мекгилвам.
Исто така, тој ќе разговара со градоначалникот на Вандсворт, Лесли Мекдонел, општина во која што живеат значителен број македонски граѓани.
Утре попладне Адеми ќе ја посети црковната општина во Литлхемптон во Брајтон и ќе се сретне со државјани на Република Македонија кои живеат во тој град.
Адеми задутре ќе се сретне со министерот за Европа „во сенка“ во Лабуристичката партија, Халид Махмуд, додека попладнето ќе ја посети изложбата на теракоти од Виница во музејот Ашмолијан во Оксфорд.
Тој ќе разговара со претседателите на здруженијата на државјаните на Република Македонија во Обединето Кралство и ќе присуствува на приемот за претставниците на дијаспората организиран од Амбасадата на Република Македонија.