Министерот задолжен за дијаспората Едмонд Адеми денеска имаше средба со пратеникот и потпретседател на Групата на социјалистите и демократите во Европскиот парламент Јозеф Вајденхолзер, на која се разговараше за можноста за соработка меѓу Република Македонија и Европската унија.
Министерот Адеми го информирал Вајденхолзер за информацијата за национална стратегија и работните групи што ги формирал, кои, како што рекол треба да создадат можности и да го отворат патот за соработка меѓу државата и дијаспората.
Вајденхолзер, пак, како што информираат од кабинетот на Адеми, истакнал дека треба да се поддржат човековите права и слободи, слободата на мислата, совеста и религијата, пристапот до пазарот на трудот, како важен сегмент, но и дека дијаспората како дел од европските вредностие е важен фактор и дека различните култури стануваат уште побогати кога се поддржуват и дејствуваат заедно.