Лидерот на ВМРО-ДПМНЕ, Христијан Мицкоски на неговиот Фејсбук профил објави цитат од македонскиот револуционер Гоце Делчев по повод 146 годишнината од неговото раѓање. Мицкоски наведува дека зборовите на Делчев ја рефлектираат реалнсота како никогаш досега.
„…Дали може да има друго место за еден Македонец, освен Македонија? Дали има и народ понесреќен од македонскиот? И дали има некаде пошироко поле за работа отколку во Македонија?…“ Делчев, камен темелникот на македонската борба за осамостојување, синонимот за борба и пожртвуваност за Македонија.
И ден денес одзвонуваат неговите зборови и ја рефлектираат реалноста како никогаш до сега.
Браќа и сестри, во секој од нас има дел од нашиот најголем идеолог, во секој од нас тлее љубовта за Македонија, тлее жарот за Македонија.
Му го должиме тоа нему, на себеси и на нашите идни поколенија.
Вечна слава“ напиша Мицкоски на Фејсбук.
