Мицкоски за црквата во Галате: Повеќе нема тензии, очекувам проблемот да се реши час поскоро

Од:

Премиерот Христијан Мицкоски вели дека нема повеќе тензии на терен во однос на реконструкцијата на црквата во Галате и очекува час поскоро да се реши проблемот. Повтори дека ќе има вакви провокации и апелираше за смирување на состојбата.

– Од информациите од теренот сигурен сум дека тензии повеќе нема. Ви го кажав мојот став во врска со ова прашање што беше резултат на тие тензии, очекувам час поскоро да се реши овој проблем и мислам дека воопшто немаше потреба од ваков тип на емоција, туку беше сосема нормална работа сето тоа да се случи. Но, јас ви кажав и тоа го коментирав во текот на вчерашниот ден што се крие реално позади сето ова и апелирам повторно за смирување на состојбата насекаде. Ќе има вакви провокации, изјави Мицкоски.

Посочувајќи дека „многу пари се испокрадени изминативе години и многу голтари станаа милионери“ рече дека свесни и исплашени дека конечно ќе одговараат, единствен начин да се спасат и да предизвикаат дестабилизација и несигурност се вакви изолирани инциденти.

-Тие немаат друг начин, ова е тоа, затоа што знаат дека денот кога одговорноста доаѓа полека но сигурно се наближува. Тие гледаат и се исплашени и во страв прават вакви работи, рече Мицкоски, на новинарско прашање дали планира да има средба со градоначалникот на Врапчиште Исен Шабани за намалување на тензиите околу реконструкцијата и уредувањето на дворот на црквата Св. Петка во Галате.

Би можело да ве интересира

(ВИДЕО) Кузеска: Дали Мицкоски се плаши од декласификација поради потврда на милионски криминал на ВМРО-ДПМНЕ?

(ВИДЕО) Петрушевски: СДС го прислушувале Мицкоски, новинари и бизнисмени за да се одржат на власт

Мицкоски: Дезинформациите и неоснованите критики се најголем предизвик денеска за медиумската сцена и самата демократија

Немам добиено никаков документ, вели Мицкоски за предлогот на Филипче:

Горан Наумовски

Мицкоски: АР и АНБ ги користеле државните ресурси и ме прислушувале, мислејќи дека на тој начин ќе добијат предност кај нивните налогодавци

Мицкоски: Индустриското производство во jули годинавa порасна за 4,1% споредено со истиот месец минатата година