Во услови кога министерот за финансии изјавува дека буџетот е во одлична позиција, најмалку што заслужуваат пензионерите е нивните барања да бидат исполнети. Владата треба сериозно да седне со пензионерите и да разговара, за да ги исполни нивните барања, изјави лидерот на ВМРО-ДПМНЕ Христијан Мицкоски во одговор на новинарско прашање дали ги подржува протестите на пензионерите, за време на неговата посета на Велес.
Тој посочи дека пензионерите заслужуваат својот пензионерски живот да го поминат без да имаат грижа дали на први ќе им стигне пензијата.
-Во услови кога министерот за финансии изјавува дека буџетот е во одлична позиција, најмалку што заслужуваат пензионерите е нивните барања да бидат исполнети. Наместо парите да бидат дел од сивата економија и да се трошат за криминал и сомнителни набавки во четири очи, треба да се седне сериозно да се разговара со пензионерите и да се исполнат нивните барања, ако е точно она што сега го зборува Владата дека буџетот бил во одлична кондиција, потенцира Мицкоски.