Лидерот на ВМРО-ДПМНЕ, Христијан Мицкоски денеска излезе со обвинување до опозициските албански партии дека се со власта.
„Секој што е против референдумот или ја поддржал владата за усвојување на преговарачката рамка со ЕУ, е инсталација на власта“ порача Мицковски.
Мицкоски вели дека има дилема дали се резервна варијанта на власта.
„Јас не сум слушнал став на Албанците во опозицијата, но после тоа што тие го поддржаа овој лист хартија во Собранието, имам дилема дали воопшто се во опозиција или пак се резервна варијанта и базен за пратеници на власта. Тука веќе јас имам дилема каде припаѓаат за да се идентификуваат себе си како опозиција тие треба во јавноста да излезат со ставови во кои што ќе ја критикуваат власта. Ако тие ја поддржуваат тогаш јас не гледам како тие можат себеси да се идентификуваат како опозиција“, порача Мицкоски.
