Претседателот на ВМРО-ДПМНЕ, Христијан Мицкоски, заедно со потпретседателот Александар Николоски и секретарот за меѓународна соработка Тимчо Муцунски, денеска оствари средба со новиот Директор на Фондацијата Конрад Аденауер во Македонија, Даниел Браун.
Мицкоски му посака добредојде и успешна работа во Македонија, а двајцата се сложија дека соработката помеѓу Фондацијата и ВМРО-ДПМНЕ ќе остане на високо ниво, но и ќе се засилува.
Уште еднаш се афирмирани одличните релации помеѓу ВМРО-ДПМНЕ и Фондацијата Конрад Аденауер – официјална Фондација на ЦДУ.
Главен акцент на средбата беше ставена на разговорите за идни проекти насочени кон јакнење на капацитетите на партијата.
Преку проекти и настани на Конрад Аденауер поминале цели генерации на политичари на ВМРО-ДПМНЕ.
Мицкоски ги афирмираше принципиелните заложби на ВМРО-ДПМНЕ за евроинтеграција на Република Македонија, но истакна и благодарност за поддршката која ја добиваме при тоа од Фондацијата и Германија.