Мицкоски: Сакаме јавна администрација којашто ќе биде пример за ефикасност, транспарентност и отчетност

Од:

Нашата визија е јасна, сакаме јавна администрација којашто ќе биде пример за ефикасност, транспарентност и отчетност, истакна премиерот Христијан Мицкоски на отворањето на годишната министерска конференција на Регионалното училиште за јавна администрација. Конференцијата е посветена на темата „Идна генерација на управување и иновации во јавната администрација“.

– Јавна администрација што нема да биде само сервис за граѓаните, туку и партнер во градењето на идните мерки и чекори. Зборуваме за една важна тема, што со годините многу малку била предмет на студиозна анализа, ниту пак на еден професионален пристап, а тоа е администрацијата и мерките што треба да се преземат за поголем квалитет на услугите, но и иновациите како важен предизвик на тој план, рече Мицкоски.

Мицкоски истакна дека ова е тема којашто не само што го одредува квалитетот на услугите што ги добиваат граѓаните, туку и го обликува лицето на државата.

– Во изминатиот период, сите сме сведоци на предизвиците со кои се соочува администрацијата. Бавни процеси, недостаток на дигитализација, понекогаш и недоволна транспарентност. Но и партизацијата која е отворен проблем, исто како и недоволната компетентност визави приватниот сектор. Овие проблеми не можеме да ги игнорираме – тие се реални и за нив треба да се најдат решенија, нагласи премиерот.

Притоа се осврна и на целите и на важноста на реформите. Зборувајќи за дигитализација на услугите, рече дека ќе се обезбеди што е можно повеќе услуги да бидат достапни онлајн, со еден клик за да се намали времето за чекање и зголеми задоволството на корисниците.

Мицкоски говореше и за ефикасноста и професионалноста, како и за транспарентноста и отчетноста, намалувањето на бирократијата, вреднувањето на трудот како поставени цели.

– Се залагам за деполитизирана администрација, каде клучни ќе бидат стручноста и посветеноста. Ќе ги зајакнеме механизмите за надзор и отчетност. Секој граѓанин има право да знае како и каде се трошат јавните средства. Администрацијата треба да биде партнер, а не пречка за граѓаните и бизнисите. Работиме за поедноставување на процедурите и намалување на непотребните документи. Потребен е систем за наградување на оние што работат вредно и чесно, за да ги мотивираме сите вработени во администрацијата да се стремат кон извонредност, подвлече премиерот.

Реформите, како што посочи, не се само за подобрување на услугите, туку и за враќање на довербата.

Би можело да ве интересира

Немам добиено никаков документ, вели Мицкоски за предлогот на Филипче:

Горан Наумовски

Мицкоски: АР и АНБ ги користеле државните ресурси и ме прислушувале, мислејќи дека на тој начин ќе добијат предност кај нивните налогодавци

Мицкоски: Индустриското производство во jули годинавa порасна за 4,1% споредено со истиот месец минатата година

Левица: Растот на платите постои во табелите на ДПМНЕ, а не во паричниците на мнозинството работници

Многу сум задоволен од откупот на земјоделски производи, вели премиерот Мицкоски

Горан Наумовски

Претстојните локални избори се загубени за опозицијата и таа ќе мора да се реструктуира, вели Мицкоски