Генералниот секретар на ВМРО-ДПМНЕ, Христијан Мицковски на промоцијата на кандидатите за градоначалници, најави голема победа на локалните избори, промени и нова ера. Тој повика на сплотеност за остварување на овие цели и за победа на како што рече „неспособната власт од СДСМ“.
-На 15 октомври победуваме, а на 16 октомври бараме предвремени парламентарни избори, рече Мицковски.
-Ќе кажеме дека имаме план за новата ера. Конкретна програма, прецизно и одмерено ветуваме, секој проект е решение кое е потребно на граѓаните. Образованието е најважен темел и затоа ќе изградиме 331 училиште, повеќе од 135 градинки, рече Мицкоски. Тој најави и изградба на повеќе од 220 зелени површини, 412 проекти за канализациони системи, изградба на 308 проекти за водоводни проекти и мрежи.
Мицковски пред полната сала рече дека подобрување во Македонија може да гарантира само ДПМНЕ со конкретната програма која ја имаат.